రోడ్లు బాగుచేయాలని సిపిఎం ధర్నా

ప్రజాశక్తి-కొత్తవలస :  కొత్తవలస మండల కేంద్రంలో మూడు రోడ్లు గుంతలమయం అయ్యాయని, వెంటనే బాగుచేయాలని కోరుతూ శనివారం సిపిఎం ఆధ్వర్యాన ధర్నా చేపట్టారు. ఈ సందర్భంగా సిపిఎం జిల్లా కార్యదర్శి తమ్మినేని సూర్యనారాయణ మాట్లాడుతూ కొత్తవలసలో రోడ్లు పూర్తిగా ధ్వంసం అయ్యాయని చెప్పారు. ప్రతిరోజూ వాహన చోదకులు ఇబ్బందులు పాలవుతున్నారని ఆందోళన వ్యక్తంచేశారు. గుంతల వల్ల రోడ్డు ప్రమాదాలు అధికంగా సంభవిస్తున్నాయని ఆవేదన వ్యక్తం చేశారు. ఈ రోడ్ల విషయాన్ని పాలకులు, అధికా రులు విస్మరించడం ఆందోళన కలిగిస్తోందన్నారు. వాటిని రోడ్లు బాగుచేయాలని డిమాండ్‌ చేశారు. కార్యక్రమంలో సిపిఎం జిల్లా నాయకులు గాడి అప్పారావు, తదితరులు పాల్గొన్నారు.