ప్రజాశక్తి-మండపేట (అంబేద్కర్‌ కోనసీమ) : స్థానిక టిడిపి కార్యాలయంలో హిందూపురం ఎమ్మెల్యే, సినీనటులు నందమూరి బాలకృష్ణ పుట్టినరోజు వేడుకలను ఎమ్మెల్యే వేగుళ్ల జోగేశ్వరరావు ఆధ్వర్యంలో శనివారం జరుపుకున్నారు. ఈ సందర్భంగా ఎమ్మెల్యే, పట్టణ టిడిపి అధ్యక్షులు ఉంగరాల రాంబాబుతో కలిసి కేక్‌ కట్‌ చేసి అందరికీ పంచిపెట్టారు. బాలయ్య నిండు నూరేళ్లు ఆరోగ్యంగా ఉండాలని కోరుకున్నారు. ఈ కార్యక్రమంలో టిడిపి నాయకులు గుండు వీరతాత రాజు, వాచర్ల గుప్తా తదితరులు పాల్గొన్నారు.
